● Тамыздағы топ-5: Hyundai, Chevrolet, Changan, Kia және Chery

«Қазақстанның Автокөлік Одағы» (ҚАО) дерегінше 2026 жылы тамызда ресми дилерлер 19 104 бірл. жаңа жеңіл және коммерциялық автокөлік сатты, бұл былтырғы тамызбен салыстырғанда 6,3% көп (17 964 бірл.). Қаңтар-тамыз қорытындысы бойынша жаңа автокөліктер саудасы  146 372 бірлікке жетіп, 2025 жылғы ұқсас кезеңдегіден 2,3% (143 096 бірл.) асты.

Анар МАҚАШЕВА, ҚАО президенті: «Қазақстандағы сауда мен өндірістің оң динамикасына қарамастан, елдің автокөлік паркін жаңартуға арналған негізгі факторлардың бірі автокөлік алу үшін қаржыландырудың қолжетімдігі болып отыр. Автонесие мөлшерлемесінің өсуі сатып алушыларға түсетін жүктемені ұлғайтады және сұранысты тежейді. Сондықтан қазір жаңа автокөлік алудың қолжетімді қаржылық құралдарын дамыту аса маңызды. Дәстүрлі автонесиеден бөлек, бұл өндірушілер мен дилерлер ұсынған бағдарламалар, trade-in, лизинг және қазақстандықтардың ескі автокөлігін жаңасына не анағұрлым жаңасына айырбастауға көмектесетін басқа да шешімдер».

2026 жылғы тамызда Hyundai дилерлері 3 604 автокөлік сатты, бұл алдыңғы ұқсас кезеңдегіден 1,3% көп. Екінші орында 2 764 автокөлік нәтижесімен Chevrolet тұр (+5,9%). Үшінші сатыға саудасы екі еседен аса – 2 217 автокөлікке дейін өскен Changan орналасты (103,2%). Төртінші орынды алған Kia – 1 556 автокөлік (-25,9%). Алғашқы бестікті Chery түйіндеді – 1 129 автокөлік (+34,4%). Әрі қарай тізімде Toyota (1 121 бірл.; +8,0%), Haval (897 бірл.; +4,9%), Jetour (865 бірл.; -6,8%), Geely (815 бірл.; -9,4%) және BYD (620 бірл.; +41,6%) бар.

Модельдер арасында бестселлерлер үштігі шілдедегідей: Chevrolet Cobalt – 2 603 автокөлік, Hyundai Tucson (1 643 бірл.) және Changan CS35 MAX (1 186 бірл.). Төртінші орынға Hyundai Mufasa көтерілді – 708 автокөлік, ал алғашқы бестікті Hyundai Elantra седаны түйіндеді – 651 автокөлік. Ондыққа тағы мына модельдер кірді: Kia Sportage (646 бірл.), Haval Jolion (588 бірл.), Toyota Camry (583 бірл.), Changan CS55 Plus (453 бірл.) және Kia Cerato (350 бірл.).

Сегіз ай қорытындысы бойынша бірінші орынды 24 563 автокөлік нәтижесімен Hyundai  алды. (-21,8%). Екінші орын Chevrolet-ге бұйырды – 23 205 автокөлік (+16,2%). Үшінші орынға 16 380 автокөлігі өткен  Kia орналасты (+5,1%). Төртінші орында Changan тұр – 14 144 бірл. автокөлік (+102,1%). Көшбасшылар бестігін Chery түйіндеді – 10 815 автокөлік (+16,4%). Содан кейін тізімге Haval (8 487 бірл.; +10,5%), Jetour (7 768 бірл.; -18,2%), JAC (6 326 бірл.; -4,9%), Toyota (6 137 бірл.; -6,2%) және Geely (4 609 бірл.; -30,9%) кірді.

 ТОП-20: 2026 ЖЫЛҒЫ ТАМЫЗДАҒЫ ЖАҢА ЖЕҢІЛ ЖӘНЕ КОММЕРЦИЯЛЫҚ АВТОКӨЛІКТЕР САУДАСЫ