2024 ЖЫЛДЫҢ I-ЖАРТЫЖЫЛДЫҒЫНДАҒЫ ЖАҢА АВТОМОБИЛЬДЕР САУДАСЫ
- Маусымдағы үздік-5: Hyundai, Kia, Chevrolet, Chery және Toyota
«Қазақстанның Автокөлік Одағы» (ҚАО) берген мәлімет бойынша маусымда жаңа автомобильдер саудасы мамыр айымен салыстырғанда 30,2% өсіп, 16 688 жеңіл көліктер мен коммерциялық техникалар сатылған. Барлығы алты айда 83 145 автомобиль сатылды, бұл 2023 жылдың бірінші жартыжылдығының көрсеткішінен 0,1% төмен (83 220 бірл.).
Анар МАҚАШЕВА, ҚАО президенті: «Жаңа автомобильдер саудасы өткен жылмен шамалас деңгейде, алайда “сұр” каналдар арқылы тексерістен, сертификаттаудан өтпей-ақ, бақылаусыз көлік жеткізу елдің экономикалық тұрақтылығы мен қауіпсіздігіне қауіп төндіріп, тұтынушылар да қиындыққа тап болуы мүмкін. “Сұр” импорт алақол сатушыларды қолдан құжат жасап, міндетті төлемдер мен салықтан жалтаруға ынталандырады. Автомобиль аларда оның бүкіл салығы төленгеніне және заң тұрғысынан тазалығына көз жеткізіңіздер».
Маусым айында ең көп сатылған үздік -10 автомобильдердің арасында бұрынғыдай Hyundai (3 522 бірл.; былтырғы маусыммен салыстырғанда -16,6%) бірінші тұр. Екінші орынға Kia моделі 2 979 автокөліктерімен ие болды (+19,1%). Chevrolet үшінші қатарға тұрақтады – 1 815 бірл. (-55,1%). Төртінші сатыға қайта көтерілген Chery дилерлері 1 239 машинаның кілтін тапсырған (+39,2%). Бесінші орынға бұл жолы 1 130 автомобилі иесін тапқан Toyota шықты (+125,1%). Одан кейін тізімде Jac (1 128 бірл.; +39,6%), Haval (674 бірл.; +11,2%), Jetour (662 бірл.; +549%), Geely (628 бірл.; +127,5%), және Changan (518 бірл.; -29,5%) тұр.
Маусымда аса танымал болған модельдер тізімінде тағы Hyundai Tucson (1 884) көш бастады. Екінші орын Chevrolet Cobalt-қа (1 440 бірл.) бұйырса, үздік үштікті жаңарған Kia Sorento (904 бірл.) түйіндеді. Kia Sportage (867 кроссовер) төртінші қатарға жайғасса, Chery Tiggo 2 (541 бірл.) бесінші сатыдан көрінді. Сонымен қатар тізімде су жаңа Hyundai Santa Fe (472 бірл.), Kia Ceed (434 бірл.), Toyota Hilux (419 бірл.), Hyundai Elantra (354 бірл.) және Kia Cerato (341 бірл.) бар.
Алты айдың қорытындысы бойынша брендтер қатарында Hyundai (18 282 бірл.; -15,3%) ешкімге дес бермей келеді, 11 520 автомобиль сатқан Kia екінші жүлдені иеленді (-6,9%). Үшінші тұрған Chevrolet-нің 7 974 моделі өтті (-63,2%). Chery дилерлері 6 667 кроссовер мен седан саудаласа (+56,4%), Jac брендінің 5 150 бірл. өнімі иесін тапты (+121,9%). Toyota (4 514 бірл.; +22,3%) алтыншы сатыны қанағат тұтты. Жетінші орын – Changan (4 214 бірл.; +78,1%), сегізінші орын Haval (4 170 бірл.; +55,1%) еншісінде. Jetour (3 888 бірл.) мен Geely (3 255 бірл.; +178%) 2024 жылдың I жартыжылдығында көліктері көптеп өткен 10 марка тізімін түйіндеді.
ҮЗДІК-20: 2024 ЖЫЛҒЫ МАУСЫМДАҒЫ ЖЕҢІЛ ЖӘНЕ КОММЕРЦИЯЛЫҚ АВТОМОБИЛЬДЕРДІҢ САУДАСЫ
| МАУСЫМ | ҚАҢТАР-МАУСЫМ | |||||
| 2023 | 2024 | % | 2023 | 2024 | % | |
| Hyundai | 4 221 | 3 522 | -16,6% | 21 579 | 18 282 | -15,3% |
| Kia | 2 502 | 2 979 | 19,1% | 12 368 | 11 520 | -6,9% |
| Chevrolet | 4 042 | 1 815 | -55,1% | 21 678 | 7 974 | -63,2% |
| Chery | 890 | 1 239 | 39,2% | 4 264 | 6 667 | 56,4% |
| Toyota | 502 | 1 130 | 125,1% | 3 690 | 4 514 | 22,3% |
| Jac | 808 | 1 128 | 39,6% | 2 321 | 5 150 | 121,9% |
| Haval | 606 | 674 | 11,2% | 2 689 | 4 170 | 55,1% |
| Jetour | 102 | 662 | 549,0% | 129 | 3 888 | 2914,0% |
| Geely | 276 | 628 | 127,5% | 1 171 | 3 255 | 178,0% |
| Changan | 735 | 518 | -29,5% | 2 366 | 4 214 | 78,1% |
| GAZ | 302 | 376 | 24,5% | 1 500 | 2 026 | 35,1% |
| Lexus | 306 | 247 | -19,3% | 1 764 | 1 694 | -4,0% |
| Omoda | 195 | NEW | 1 041 | 0,0% | ||
| Tank | 66 | 154 | 133,3% | 91 | 958 | 952,7% |
| Exeed | 275 | 153 | -44,4% | 2 021 | 911 | -54,9% |
| Yutong | 47 | 137 | 191,5% | 399 | 604 | 51,4% |
| Jac Trucks | 75 | 100 | 33,3% | 433 | 482 | 11,3% |
| Jaecoo | 85 | NEW | 286 | NEW | ||
| Zeekr | 83 | NEW | 465 | NEW | ||
| Kamaz | 84 | 77 | -8,3% | 348 | 356 | 2,3% |
| Басқалар | 992 | 786 | -20,8% | 4 409 | 4 688 | 6,3% |
| Жалпы нәтиже | 16 831 | 16 688 | -0,8% | 83 220 | 83 145 | -0,1% |
Анықтама:
«Қазақстанның Автокөлік Одағы» (ҚАО) – «Казахстанский Автомобильный Союз» заңды тұлғалар бірлестігі – 2023 жылдың 21 шілдесінде Астанада құрылған коммерциялық емес құрылым.
ҚАО құрамына Қазақстанның автоөндірушілер қауымдастығы; Қазақстанның автокомпонент өндірушілері қауымдастығы; Қазақстанның дилерлер қауымдастығы; Қазақстанның жүрген автомобильдерді сату бойынша қауымдастығы; Қазақстанның автосарапшылар және аудиторлар қауымдастығы (автомобильжасау өнімдерінің сәйкестігін бағалау) кірді.
«Қазақстанның Автокөлік Одағы» баспасөз қызметі
E-mail: press@kao.kz
+7 701 770 0257 Дина Букенбаева