2024 ЖЫЛДЫҢ МАМЫРЫНДАҒЫ ҚАЗАҚСТАНДАҒЫ ЖАҢА АВТОМОБИЛЬДЕР САУДАСЫ
- Мамырдағы топ-5: Hyundai, Kia, Chevrolet, Jac и Chery
«Қазақстанның Автокөлік Одағы» (ҚАО) берген мәлімет бойынша мамырда 12 032 бірлік жеңіл автомобильдер мен жеңіл коммерциялық көліктер, сонымен қатар 781 бірлік жүк көліктері мен автобустар сатылды. Бұл былтырғы ұқсас кезеңмен салыстырғанда 13,2% төмен нәтиже. 2024 жылдың алғашқы бес айында жалпы 66 457 автомобиль өткен, былтыр сол уақытта 66 389 бірлік техника саудаланды (+0,1%).
Анар МАҚАШЕВА, ҚАО президенті: «2024 жылғы сандар былтырғы нәтижеге жақындап қалды, алайда біз болжағандай, мамырда сауда бәсеңдеді. Нарық бұрынғы арнасына орала бастады. Биыл 160-165 мың жаңа автомобиль иесін табады деп болжап отырмыз. Өз кезегінде ресми дилерлер халық көптеп жаңа көлік алсын деген ниетпен науқан өткізіп, тиімді ұсыныстарын жалғастырып жатыр. Бірақ заңсыз жолмен ескі автомобильдер әлі кіріп жатқандықтан, паркте ескі көліктердің де үлесі артып келеді».
Ең көп сатылған үздік – 10 автомобильдер арасында көшін әдеттегідей Hyundai (2 424 бірл; былтырғы мамырмен салыстырғанда -44%) бастады. Kia да екінші орнын сақтап қалды (1 903 бірл; -13,4%). 1 345 данасы өткен Chevrolet үшінші қатарға жайғасса (-59,2%), 1 028 машинасы иесін тапқан Jac биыл алғаш рет үздік төрттікке кіріп отыр (+396,6%). Ал Chery бұл жолы бесінші орынға тұрақтады (929 бірл; +39,7%). Содан кейін тізімде Changan (679 бірл; +31,3%), Jetour (664 бірл), Haval (592 бірл; -5,4%), Toyota (571 бірл; +14,2%) және Geely (450 бірл; +74,4%) тұр.
Мамырда аса танымал болған үздік ондықтағы модельдер тізімінде өзгеріс бар: Chevrolet Cobalt-тың 1 165 данасы өтіп, бірінші орынды еншілесе, екінші тұрған Hyundai Tucson моделіне 1 138 адамның таңдауы түсіпті. Үздік үштікті Kia Sportage (900) түйіндеді. 514 лифтбегі саудаланған Jac J7 бесінші қатардан көрінді. Сонымен қатар тізімде Chery Tiggo 2 (432), Kia Sorento (420), Changan Alsvin (311), Hyundai Elantra (310) және Hyundai Santa Fe (307) бар.
Бес айдың қорытындысы бойынша танымал брендтер арасында Hyundai (14 760 бірл; -15%) оқ бойы озық шықты, екінші жүлде Kia-ға (8 541 бірл; -13,4%) бұйырды. Жыл басынан бері 6 159 моделі өткен Chevrolet үшінші келді (-65,1%). Chery дилерлері 5 428 автомобильдің кілтін тапсырды (+60,9%). Ал бестікті Jac (4 022; +165,8%) түйіндеді.
ТОП-20: 2024 ЖЫЛҒЫ МАМЫРДАҒЫ ЖЕҢІЛ ЖӘНЕ КОММЕРЦИЯЛЫҚ АВТОМОБИЛЬДЕР САУДАСЫ
| МАМЫР | ҚАҢТАР-МАМЫР | |||||
| 2023 | 2024 | % | 2023 | 2024 | % | |
| Hyundai | 4 327 | 2 424 | -44,0% | 17 358 | 14 760 | -15,0% |
| Kia | 2 198 | 1 903 | -13,4% | 9 866 | 8 541 | -13,4% |
| Chevrolet | 3 300 | 1 345 | -59,2% | 17 636 | 6 159 | -65,1% |
| Jac | 207 | 1 028 | 396,6% | 1 513 | 4 022 | 165,8% |
| Chery | 665 | 929 | 39,7% | 3 374 | 5 428 | 60,9% |
| Changan | 517 | 679 | 31,3% | 1 631 | 3 696 | 126,6% |
| Jetour | 27 | 664 | NEW | 27 | 3 226 | NEW |
| Haval | 626 | 592 | -5,4% | 2 083 | 3 496 | 67,8% |
| Toyota | 500 | 571 | 14,2% | 3 188 | 3 384 | 6,1% |
| Geely | 258 | 450 | 74,4% | 895 | 2 627 | 193,5% |
| GAZ | 270 | 352 | 30,4% | 1 198 | 1 650 | 37,7% |
| Lexus | 349 | 297 | -14,9% | 1 458 | 1 447 | -0,8% |
| Exeed | 379 | 232 | -38,8% | 1 746 | 758 | -56,6% |
| Omoda | 190 | NEW | 846 | NEW | ||
| Tank | 25 | 145 | 480,0% | 25 | 804 | 3116,0% |
| Zeekr | 83 | NEW | 382 | NEW | ||
| BMW | 173 | 72 | -58,4% | 698 | 155 | -77,8% |
| Subaru | 143 | 71 | -50,3% | 512 | 560 | 9,4% |
| Jaecoo | 70 | NEW | 201 | NEW | ||
| Kamaz | 92 | 62 | -32,6% | 264 | 279 | 5,7% |
| Басқалар | 712 | 654 | -8,1% | 2 917 | 4 036 | 38,4% |
| Жалпы нәтиже | 14 768 | 12 813 | -13,2% | 66 389 | 66 457 | 0,1% |
Анықтама:
«Қазақстанның Автокөлік Одағы» (ҚАО) – «Казахстанский Автомобильный Союз» заңды тұлғалар бірлестігі – 2023 жылдың 21 шілдесінде Астанада құрылған коммерциялық емес құрылым.
ҚАО құрамына Қазақстанның автоөндірушілер қауымдастығы; Қазақстанның автокомпонент өндірушілері қауымдастығы; Қазақстанның дилерлер қауымдастығы; Қазақстанның жүрген автомобильдерді сату бойынша қауымдастығы; Қазақстанның автосарапшылар және аудиторлар қауымдастығы (автомобильжасау өнімдерінің сәйкестігін бағалау) кірді.
«Қазақстанның Автокөлік Одағы» баспасөз қызметі
E-mail: press@kao.kz
+7 701 770 0257 Дина Букенбаева