ҚЫРКҮЙЕКТЕ 17 888 ЖАҢА АВТОМОБИЛЬ САТЫЛДЫ
- Қыркүйектегі топ-5: Hyundai, Chevrolet, Kia, Chery және Toyota
«Қазақстанның Автокөлік Одағы» (ҚАО) берген мәліметі бойынша 2024 жылғы күздің алғашқы айында Қазақстан аумағында ресми дилерлер 17 888 жаңа жеңіл және коммерциялық автомобиль саудалады, бұл тамызбен салыстырғанда 0,4% жоғары көрсеткіш. Жалпы тоғыз айда 137 106 автомобиль өткен (-0,7%).
Анар МАҚАШЕВА, ҚАО президенті: «Үшінші тоқсанда әдеттегідей сауда көлемі екінші тоқсанға қарағанда жоғары болды, оған қоса, көрсеткіш былтырғы нәтижеге теңесуін жалғастырып жатыр. Бірақ жалпы 2024 жыл автомобиль нарығы үшін үлкен өзгеріссіз, бірқалыпты кезең болады, мұны біз өткен жылдың аяғынан бері көріп отырмыз».
Қыркүйекте жергілікті автонарықта дәстүрлі түрде Hyundai (4 218 бірл.; 2024 жылдың тамызымен салыстырғанда -3,4%) алға шықты. Екінші жүлдені 3 027 бірл. моделі сатылған Chevrolet алды (+26%). Үшінші орынға тұрақтаған Kia-ның 1 953 көлігі иесін тапты (+18,7%). Әрі қарай тізімде Chery (1 324 бірл.; +7,7%), Toyota (965 бірл.; -5,2%), Haval (883 бірл.; -1,8%), Geely (750 бірл.; -16,8%), Jac (747 бірл.; -27,8%), Jetour (705 бірл.; -21,1%) және Changan (577 бірл.; -12,3%) бар.
Қыркүйекте аса танымал болған модельдер тізімінде өзгеріс байқалды. Ұзақ үзілістен кейін Chevrolet Cobalt (2517 бірл.) қайта көш бастады. Hyundai Tucson (1 780 бірл.) екінші орынды иеленсе, үштікті Hyundai Elantra (700 бірл.) түйіндеді. Төртінші сатыға Hyundai Santa Fe (594) жайғасты. Ал Kia Sportage (551 бірл.) бесінші қатардан көрінді. Содан кейін тізімде Chery Tiggo 2 (545 бірл.), Kia K5 (476 бірл.), Chery Tiggo 7 Pro (432 бірл.), Hyundai Sonata (396 бірл.) және Haval M6 (382 бірл.) тұр.
Тоғыз ай қорытындысы бойынша нарықтағы үлесі 22,8%-ға жеткен Hyundai (31 214 бірл.) үздік атанды. Екінші тұрған Kia дилерлері 17 058 модельдің кілтін тапсырған. 15 780 бірл. өнімі өткен Chevrolet үшінші сатыға көтерілді. Chery брендінің 10 591 кроссовері мен седаны саудаланған. Jac бесінші орынды ешкімге бермеді (8 106). Toyota (7 403 бірл.) бұл жолы алтыншы қатарды қанағат тұтты. Одан бөлек тізімде Haval (6 892 бірл.), Jetour (6 530 бірл.), Changan (6 116 бірл.) және Geely (5 607 бірл.) бар.
ТОП-20: 2024 ЖЫЛҒЫ ҚЫРКҮЙЕКТЕГІ ЖЕҢІЛ ЖӘНЕ КОММЕРЦИЯЛЫҚ АВТОМОБИЛЬДЕР САУДАСЫ
| ҚЫРКҮЙЕК | ҚАҢТАР-ҚЫРКҮЙЕК | |||||
| 2023 | 2024 | % | 2023 | 2024 | % | |
| Hyundai | 3 618 | 4 218 | 16,6% | 34 918 | 31 214 | -10,6% |
| Chevrolet | 3 179 | 3 027 | -4,8% | 31 947 | 15 780 | -50,6% |
| Kia | 2 199 | 1 953 | -11,2% | 18 583 | 17 058 | -8,2% |
| Chery | 1 439 | 1 324 | -8,0% | 8 416 | 10 591 | 25,8% |
| Toyota | 1 176 | 965 | -17,9% | 6 874 | 7 403 | 7,7% |
| Haval | 1 005 | 883 | -12,1% | 5 246 | 6 892 | 31,4% |
| Geely | 343 | 750 | 118,7% | 2 216 | 5 607 | 153,0% |
| Jac | 634 | 747 | 17,8% | 4 530 | 8 106 | 78,9% |
| Jetour | 666 | 705 | 5,9% | 1 634 | 6 530 | 299,6% |
| Changan | 637 | 577 | -9,4% | 4 477 | 6 116 | 36,6% |
| Lexus | 353 | 360 | 2,0% | 2 797 | 2 636 | -5,8% |
| GAZ | 316 | 342 | 8,2% | 2 455 | 3 089 | 25,8% |
| Skoda | 231 | 0,0% | 831 | 0,0% | ||
| Omoda | 270 | 161 | -40,4% | 430 | 1 523 | 254,2% |
| Golden Dragon | 15 | 130 | 766,7% | 417 | 281 | -32,6% |
| Jac Trucks | 87 | 128 | 47,1% | 769 | 878 | 14,2% |
| Yutong | 45 | 124 | 175,6% | 732 | 905 | 23,6% |
| Exeed | 432 | 110 | -74,5% | 3 129 | 1 273 | -59,3% |
| Kaiyi | 107 | 0,0% | 382 | 0,0% | ||
| Tank | 158 | 102 | -35,4% | 518 | 1 427 | 175,5% |
| Другие | 1 200 | 100 | -91,7% | 100 | 8 584 | 8484,0% |
| Общий итог | 17 772 | 17 888 | 0,7% | 138 028 | 137 106 | -0,7% |
Анықтама:
«Қазақстанның Автокөлік Одағы» (ҚАО) – «Казахстанский Автомобильный Союз» заңды тұлғалар бірлестігі – 2023 жылдың 21 шілдесінде Астанада құрылған коммерциялық емес құрылым.
ҚАО құрамына Қазақстанның автоөндірушілер қауымдастығы; Қазақстанның автокомпонент өндірушілері қауымдастығы; Қазақстанның дилерлер қауымдастығы; Қазақстанның жүрген автомобильдерді сату бойынша қауымдастығы; Қазақстанның автосарапшылар және аудиторлар қауымдастығы (автомобильжасау өнімдерінің сәйкестігін бағалау) кірді.
«Қазақстанның Автокөлік Одағы» баспасөз қызметі
E-mail: press@kao.kz
+7 701 770 0257 Дина Букенбаева