«Қазақстанның Автокөлік Одағы» бұқаралық ақпарат құралдары мен блогосфера өкілдерін 2025 жылғы 28 шілдеде Алматы қаласындағы Балуан Шолақ атындағы спорт сарайында өтетін Жүрілген автокөлік нарығының бірінші салалық конференциясына қатысуға шақырады.

Қазақстан автоөнеркәсібі тарихында алғаш рет бір алаңда ресми дилерлер мен кәсіби автосатушылар бас қосады. Конференция аясында саладағы өзекті мәселелер мен даму мүмкіндіктері талқыланып, практикалық кейстер мен халықаралық тәжірибе ұсынылады. Қазақстан, Ресей және АҚШ-тан келген жетекші сарапшылар өзекті аналитикалық деректерді ұсынып, жаһандық трендтер туралы баяндап, отандық нарықтың даму келешегіне баға береді.

Конференцияның қонақтары мен спикерлері:

Стив Гринфилд – автобизнес болашағы туралы кітаптардың авторы, әлемдік деңгейдегі басты спикер, венчурлық инвестициялық қордың бас серіктесі;

Анар Макашева – «Қазақстанның Автокөлік Одағының» президенті;

Гаджи Курбанов – Haraba компаниясының негізін қалаушы, Ресейдегі автоқолданыстағы көлік нарығының амбассадоры;

Дмитрий Савченко – Mycar компаниясының өнімдерді дамыту жөніндегі жетекшісі;

Дильяр Тевахунов – Қазақстандық автоэксперттер мектебінің негізін қалаушы;

Александр Усольцев – тәуелсіз автоэксперт.

Конференция аясында салаға арналған жаңа цифрлық шешімдер желісі таныстырылады. Бұдан бөлек, қатысушылар тікелей 60 минуттық автокөлік аукционына қатысу мүмкіндігіне ие болады.

Нарықты өзгертетін құралдармен бөлісеміз – бұл практикалық әрі қолжетімді шешімдер жиынтығы. Конференцияның толық бағдарламасы іс-шараның ресми сайтында жарияланған – autoconference.kz. Конференцияға қатысу үшін БАҚ өкілдеріне алдын ала тіркеуден өту қажет: autoconference.kz/media

БАҚ өкілдерімен байланыс үшін:
Дина Букенбаева
PR менеджері, «Қазақстанның Автокөлік Одағы» ЗТБ
dina_bukenbayeva@kao.kz
+7-701-770-02-57