2026 жылғы сәуір айының қорытындысы бойынша Қазақстанда коммерциялық техниканы қоса алғанда 20 857 жаңа автокөлік сатылды. Бұл өткен жылдың сәйкес кезеңімен салыстырғанда 8,4%-ға көп. Сонымен қатар, алғашқы төрт айдың қорытындысы бойынша нарық өткен жылдың деңгейінде қалып отыр: 65 610 бірлік, ал 2025 жылдың қаңтар-сәуір айларында 66 101 автокөлік сатылған болатын (-0,7%).

«Қазақстанның Автокөлік Одағы» сарапшыларының мәліметінше, 2026 жылғы сәуір айы жыл басынан бергі ең белсенді айлардың бірі болды. Өсімге негізінен Қазақстанда өндірілетін модельдер мен жаңа брендтердің нарықтағы үлесінің кеңеюі ықпал етті.

«Нарықтағы бәсекелестік күшейіп келеді, ресми дилерлер модельдік қатарларын белсенді түрде жаңартып жатыр, ал орташа чек біртіндеп төмендеуде. Сонымен қатар, біз жаңа брендтер мен технологияларға деген сатып алушылар қызығушылығының жоғары екенін байқап отырмыз. Әсіресе, қазақстандық өндірістегі автокөліктердің және баламалы қуат қондырғылары бар модельдердің үлесі айтарлықтай өсуде», - деп атап өтті ҚАО президенті Анар МАҚАШЕВА.

Сәуір айының көшбасшысы Chevrolet бренді болды - 5 501 автокөлік сатылып, өткен жылмен салыстырғанда 101,9%-ға өсті. Екінші орында Hyundai - 2 656 бірлік (-39,3%), ал үздік үштікті Kia – 1 912 автокөлік (-13,4%) қорытындылады. Нарық драйверлерінің бірі Changan саналады. Сәуірде бренд бірден 1 882 автомобилін өткізіп, саудасын 172,4% көтерді. Әрі қарай тізімге Haval (1 379 бірл.; +31,7%), Chery (1 326 бірл.; -7,5%), Jetour (1 108 бірл.; -19%), Toyota (830 бірл.; +11,6%), Geely (548 бірл.; -47,9%) және Geely Galaxy (424 бірл.) енді.

Ең қарқынды өсіп келе жатқан брендтердің қатарында BYD (421 бірл.; +209,6%) және мен MG (130 бірл.; +282,4%). Сондай-ақ Қазақстан нарығына жақында ғана шыққан Geely Galaxy және Li Auto брендтері де қарқынды даму үстінде.

Сәуір қорытындысына сәйкес ең танымал 10 модель тізімінде өзгеріс бар: Chevrolet Cobalt (5 319 бірл.) бірінші, Hyundai Tucson екінші орында (853 бірл.), Hyundai Mufasa кроссовері (794 бірл.) үшінші орынға көтерілді. Төртінші орынды Kia Sportage (726 бірл.) алса, бесінші сатыға Changan CS35 Max (712 бірл.) тұрақтады. Одан кейін мына модельдер тұр: Changan CS55 Plus (688 бірл.), Haval Jolion (572 бірл.), Haval M6 (506 бірл.), Toyota Camry (429 бірл.) және Chery Tiggo 2 Pro (428 бірл.).

2026 жылғы төрт ай қорытындысы бойынша 12 130 автомобилі өткен Chevrolet (+38,9%) бірінші орыннан көрінді. Екінші орынға  Hyundai (11 314 бірл.; -29,5%) шықты, үшінші орынға Kia (9 405 бірл.; +32,2%) жайғасты. Сонымен қатар тізімде мына модельдер бар: Changan – 5 113 бірл. (+120,3%), Chery – 4 646 бірл. (+2,5%), Haval – 3 687 бірл. (+1,7%), Jetour – 3 366 бірл. (-24,7%), Toyota – 2 096 бірл. (-27,7%), JAC – 1 887 бірл. (-38,8%) және Geely – 1 729 бірл. (-50,4%).

ТОП-20: 2026 ЖЫЛҒЫ СӘУІРДЕГІ ЖАҢА ЖЕҢІЛ ЖӘНЕ КОММЕРЦИЯЛЫҚ АВТОКӨЛІКТЕР САУДАСЫ