2024 жылдың қаңтарындағы Қазақстандағы жаңа автомобильдер саудасы
- Қаңтардағы топ-5: Hyundai, Kia, Chery, Chevrolet, Jac
«Қазақстанның Автокөлік Одағы» (ҚАО) берген мәлімет бойынша қыстың алғашқы айында 10 533 жеңіл автомобиль мен жеңіл коммерциялық техника, сонымен қатар 711 жүк көлігі мен автобус сатылды, бұл былтырғы сол уақытпен салыстырғанда 8,1% көп.
Анар МАҚАШЕВА, ҚАО президенті: «Қаңтарда жаңа автомобильдер саудасы әдеттегідей,, 2023 жылғы желтоқсанмен салыстырғанда өте төмен нәтиже көрсетті. Дегенмен былтырғы қаңтармен салыстырғанда өсім байқалды. Нарықта автомобиль тапшылығы жоқ».
Бірінші айда ең көп сатылған 10 брендтің көшін Hyundai (3 120; +39,5%, былтырғы қаңтармен салыстырғанда) бастады. 1 231 көлігін сатқан Kia бұл жолы екінші орын алды (-28,6%). Chery алғаш рет үшінші қатардан көрінді (1 081; +73,8%). Chevrolet модельдерінің шектеулі шығуы сауда нәтижесіне әсер етіп, бренд төртінші орынға түсіп қалды (803; -74,9%). Jac дилерлері 753 автомобильдің кілтін тапсырды (+231,7%). 600 өнімін өткізген Jetour маркасы Toyota-ны (539; -10,6%) жетінші қатарға ығыстырды. Үздіктер тізімін Haval (529; +43%), Changan (445; +220,1%) және Geely (323; +247,3%) түйіндеді.
Қаңтарда аса танымал болған 10 модель арасында Hyundai Tucson (1536), Kia Sportage (705) және Chevrolet Cobalt (545) жеңімпаз атанды. Әрі қарай тізімде Chery Tiggo 2 (469), Jac J7 (446), Hyundai Elantra (377), Hyundai Palisade (285), Hyundai Santa Fe (271), Haval M6 (241), Kia Ceed (237) тұр.
ТОП-20: 2024 ЖЫЛҒЫ ҚАҢТАРДАҒЫ ЖЕҢІЛ ЖӘНЕ КОММЕРЦИЯЛЫҚ АВТОМОБИЛЬДЕР САУДАСЫ
| Қаңтар | |||
| 2023 | 2024 | % | |
| Hyundai | 2 236 | 3 120 | 39,5% |
| Kia | 1 723 | 1 231 | -28,6% |
| Chery | 622 | 1 081 | 73,8% |
| Chevrolet | 3 203 | 803 | -74,9% |
| Jac | 227 | 753 | 231,7% |
| Jetour | 600 | 0,0% | |
| Toyota | 603 | 539 | -10,6% |
| Haval | 370 | 529 | 43,0% |
| Changan | 139 | 445 | 220,1% |
| Geely | 93 | 323 | 247,3% |
| GAZ | 168 | 240 | 42,9% |
| Lexus | 192 | 196 | 2,1% |
| Lada | 66 | 152 | 130,3% |
| Yutong | 36 | 142 | 294,4% |
| Tank | 131 | 0,0% | |
| Subaru | 84 | 129 | 53,6% |
| Omoda | 96 | 0,0% | |
| Gac | 80 | 0,0% | |
| Exeed | 209 | 79 | -62,2% |
| Jac Trucks | 30 | 67 | 123,3% |
| Другие | 401 | 508 | 26,7% |
| Общий итог | 10 402 | 11 244 | 8,1% |
Анықтама:
«Қазақстанның Автокөлік Одағы» (ҚАО) – «Казахстанский Автомобильный Союз» заңды тұлғалар бірлестігі – 2023 жылдың 21 шілдесінде Астанада құрылған коммерциялық емес құрылым.
ҚАО құрамына Қазақстанның автоөндірушілер қауымдастығы; Қазақстанның автокомпонент өндірушілері қауымдастығы; Қазақстанның дилерлер қауымдастығы; Қазақстанның жүрген автомобильдерді сату бойынша қауымдастығы; Қазақстанның автосарапшылар және аудиторлар қауымдастығы (автомобильжасау өнімдерінің сәйкестігін бағалау) кірді.
«Қазақстанның Автокөлік Одағы» баспасөз қызметі
E-mail: press@kao.kz
+7 701 770 0257 Дина Букенбаева