ҚАЗАҚСТАННЫҢ АВТОМОБИЛЬ НАРЫҒЫНЫҢ 2023 ЖЫЛДЫҢ ҚЫРКҮЙЕК АЙЫНДАҒЫ САТЫЛЫМЫ
- Үздік бестік: Hyundai, Chevrolet, Kia, Chery, Toyota
«Қазақстанның Автокөлік Одағы» (ҚАО) мәліметі бойынша қыркүйек айында 16 950 жеңіл автокөлік пен жеңіл коммерциялық техника, сонымен қатар, 827 жүк көлігі мен автобус сатылды. Бұл көрсеткіш өткен жылдың осындай кезеңімен салыстырғанда 47,2% көп. 2023 жылдың тоғыз айы ішінде қазақстандық дилерлер 138 100 авто сатты (+58,4%).
Анар МАҚАШЕВА, ҚАО президенті: «Қыркүйек айында бірден 6 брендтің сату көрсеткіші төрт таңбалы санды көрсетті – бұл салауатты бәсекелестіктің өскенін білдіреді, көбіне қаржы бағдарламалары ассортиментінің кеңеюі мен жасалауына байланысты. Биыл жаңа көліктердің жылдық сатылымы 2013 жылғы рекордтық деңгейге жетейін деп тұр, сол жылы сатылған көліктер саны 165 мыңнан сәл асқан болатын».
Қыркүйек айында Hyundai ең көп сатылатын 10 марканың ішінде бірінші орынды иеленуін жалғастыруда (өткен жылғы қыркүйек айымен салыстырғанда 3 624; +40,8%). Chevrolet дилерлері 3 179 автомобиль (-20,5%) сатты, Kia өзінің ең жақсы нәтижесін көрсетуде - 2 199 дана (+64,7%). Chery дилерлері 1 439 (+154,7%) автокөлік сатып брендті төртінші орынға жайғастырды. Бесінші орынға қыркүйекте Toyota қайтып келді – 1 176 дана (+43,2%). Haval алтыншы орында (1 004 дана; +750,8%). Jetour тоғызыншы орыннан жетінші орынға көтерілді (666). Рейтингтің ондығын Changan (637), Jac (634; +96,9%) және Exeed (432; +66,2%) түйіндеді.
2023 жылдың қыркүйек айында ең танымал модельдердің үздік ондығына бірден үш жаңа көлік енді. Chevrolet Cobalt (2030) пен Hyundai Tucson (895) әлі де көш басында, оларға алғаш рет Hyundai i20 хэтчбегі (855) қосылды. Әрі қарай тізімде Chery Tiggo 2 (805), Kia Sportage (740), Chevrolet Onix (658), Toyota Camry (657), Hyundai Santa Fe (630), Haval M6 (554) және Hyundai i30 (404).
Тоғыз айдың қорытындысы бойынша брендтік рейтингте Hyundai көш бастап тұр (35 005; +71,9%), екінші орында 31 947 көлік сатқан Chevrolet (+30,5%), үшінші орында 18 583 көлік сатқан Kia (+91%). Chery дилерлері 8 416 автокөлікті (+242,5%) сатты. Ең көп сатылатын брендттер бестігін Toyota (6 874; -5%) жапты.
ҮЗДІК ЖИЫРМАЛЫҚ: 2023 ЖЫЛДЫҢ ҚЫРКҮЙЕК АЙЫНДАҒЫ ЖАҢА ЖЕҢІЛ ЖӘНЕ КОММЕРЦИЯЛЫҚ АВТОМОБИЛЬДЕР САТЫЛЫМЫ
| ҚЫРКҮЙЕК | ҚАҢТАР-ҚЫРКҮЙЕК | |||||
| 2022 |
2023 |
% | 2022 |
2023 | % | |
| Hyundai | 2 574 | 3 624 | 40,8% | 20 363 | 35 005 | 71,9% |
| Chevrolet | 4 000 | 3 179 | -20,5% | 24 485 | 31 947 | 30,5% |
| Kia | 1 336 | 2 199 | 64,6% | 9 727 | 18 583 | 91,0% |
| Chery | 565 | 1 439 | 154,7% | 2 457 | 8 416 | 242,5% |
| Toyota | 821 | 1 176 | 43,2% | 7 230 | 6 874 | -4,9% |
| Haval | 118 | 1004 | 750,8% | 699 | 5 243 | 650,1% |
| Jetour | 666 | 0,0% | 1 634 | 0,0% | ||
| Changan | 2 | 637 | 31750,0% | 2 | 4 477 | - |
| Jac | 322 | 634 | 96,9% | 2 097 | 4 530 | 116,0% |
| Exeed | 260 | 432 | 66,2% | 911 | 3 129 | 243,5% |
| Lexus | 261 | 353 | 35,2% | 1 946 | 2 797 | 43,7% |
| Geely | 343 | 0,0% | 2 216 | 0,0% | ||
| GAZ | 280 | 316 | 12,9% | 1 488 | 2 455 | 65,0% |
| Omoda | 270 | 0,0% | 430 | 0,0% | ||
| Lada | 374 | 255 | -31,8% | 6 705 | 936 | -86,0% |
| Subaru | 116 | 161 | 38,8% | 336 | 1 124 | 234,5% |
| Tank | 158 | 0,0% | 518 | 0,0% | ||
| BMW | 31 | 115 | 271,0% | 423 | 1 114 | 163,4% |
| Mitsubishi | 32 | 114 | 256,3% | 287 | 598 | 108,4% |
| Kamaz | 78 | 88 | 12,8% | 897 | 650 | -27,5% |
| Басқалары | 907 | 614 | -32,3% | 7 116 | 5 424 | -23,8% |
| Жалпы жиыны | 12 077 | 17 777 | 47,2% | 87 169 | 138 100 | 58,4% |
Анықтама:
«Қазақстанның Автокөлік Одағы» (ҚАО) заңды тұлғалар бірлестігі – коммерциялық емес құрылым, 2023 жылы 21 шілдеде Астана қаласында құрылды.
ҚАО құрамына Қазақстанның автоөндірушілер қауымдастығы, Қазақстанның автокомпонент өндірушілері қауымдастығы, Қазақстанның дилерлер қауымдастығы, Қазақстанның пайдаланылған автомобильдерді сату бойынша қауымдастығы, Қазақстанның автосарапшылар және аудиторлар қауымдастығы (автомобиль жасау өнімдерінің сәйкестігін бағалау) кіреді.
«Қазақстанның Автокөлік Одағы» баспасөз қызметі
E-mail: press@kao.kz
Моб. тел.: + 7 775 837 85 19
Байланысушы тұлға: Асия Нурпейсова