2024 ЖЫЛДЫҢ НАУРЫЗЫНДА ЕЛДЕ ЖАҢА АВТОМОБИЛЬДЕР САУДАСЫ 16,4% ӨСТІ
- Наурыздағы топ-5: Hyundai, Kia, Chevrolet, Chery, Changan
«Қазақстанның Автокөлік Одағы» (ҚАО) берген мәлімет бойынша наурызда 15 203 жеңіл автокөлік және жеңіл коммерциялық техника, 725 жүк көлігі мен автобус сатылды, бұл көрсеткіш былтырғы осы уақытпен салыстырғанда 16,4% жоғары. Жылдың алғашқы тоқсанында жалпы 39 468 автокөлік сатылды (+6%). Ал 2023 жылдың осы уақытында 37 248 машина иесін тапқан.
Анар МАҚАШЕВА, ҚАО президенті: «Наурызда тұтынушылар белсенді болып, 15 000 автомобиль сатып алды. Нарықта жоғары бәсеке әлі сақталып тұр, бұл сатып алушының көптеген модель арасынан таңдау жасай алатынын білдіреді. Статистика ел тұрғындарының ресми дилер арқылы жаңа автомобильдер алуды жиілеткенін көрсетті, мұндай жағдайда олар заң тұрғысынан сенімділік пен зауыт ұсынатын кепілдікті таңдайды. Сәуір айы нарықтың қазақстандық авторитейлын барынша дәлдікпен дамытудың негізгі трендтерін айқындайды».
Елде ең көп өткен машиналар тізімінің басында үш ай қатарынан Hyundai (3 370 бірл.; былтырғы наурызбен салыстырғанда -10%) тұр. 1 810 автомобиль сатқан Kia екінші орын алды (-11,2%). Ал үшінші сатыға Chevrolet (1 374; -60,9%) тұрақтады. Төртінші қатарға жайғасқан Chery брендінің дилерлері 1 314 көліктің кілтін тапсырған (+84,6%). Бестікті бұл жолы Changan (1215; +286,9%) түйіндеді. Одан бөлек тізімде Haval (1 123; +262,3%), Toyota (1 094; +85,4%), Jetour (781 бірл.), Geely (701; +327,4%) және Jac (694 бірл.; +91,7%) бар.
Аса танымал модельдер қатарында әлі де Hyundai Tucson (2 226 бірл.) ешкімге дес бермей келеді. Одан кейін тізімде Chevrolet Cobalt (1 215 бірл.), Kia Sportage (808 бірл.), Haval Jolion (490 бірл.), Changan CS55 Plus (450 бірл.), Chery Tiggo 7 Pro (450 бірлік), Chery Tiggo 2 (402 бірлік), Kia Sorento (365 бірл.), Jetour X70 (354 бірл.) және Hyundai Elantra (344 бірл.) тұр.
Алғашқы тоқсан қорытындысы бойынша брендтер арасында Hyundai (9 286; -1,6%) көш бастады, 4 875 көліктің кілтін тапсырған Kia екінші қатардан орын алды (-12,6%), ал үшінші жүлде Chery-ге (3 441; +72%) бұйырды. Chevrolet дилерлері 3 337 автомобиль сатқан (-67,7%). Бесінші орындағы Haval-дың 2 311 өнімі өтті (+123,9%).
2024 ЖЫЛҒЫ НАУРЫЗДАҒЫ ЖЕҢІЛ ЖӘНЕ КОММЕРЦИЯЛЫҚ АВТОМОБИЛЬДЕР САУДАСЫ
| НАУРЫЗ |
ҚАҢТАР-НАУРЫЗ | |||||
| 2023 | 2024 | % | 2023 | 2024 | % | |
| Hyundai | 3 745 | 3 370 | -10,0% | 9 433 | 9 286 | -1,6% |
| Kia | 2 038 | 1 810 | -11,2% | 5 576 | 4 875 | -12,6% |
| Chevrolet | 3 516 | 1 374 | -60,9% | 10 333 | 3 337 | -67,7% |
| Chery | 712 | 1 314 | 84,6% | 2 001 | 3 441 | 72,0% |
| Changan | 314 | 1 215 | 286,9% | 700 | 2 153 | 207,6% |
| Haval | 310 | 1 123 | 262,3% | 1 032 | 2 311 | 123,9% |
| Toyota | 590 | 1 094 | 85,4% | 2 066 | 2 117 | 2,5% |
| Jetour | 781 | 0,0% | 1 925 | 0,0% | ||
| Geely | 164 | 701 | 327,4% | 408 | 1 449 | 255,1% |
| Jac | 362 | 694 | 91,7% | 911 | 1 964 | 115,6% |
| GAZ | 243 | 343 | 41,2% | 641 | 933 | 45,6% |
| Lexus | 307 | 323 | 5,2% | 736 | 762 | 3,5% |
| Omoda | 220 | 0,0% | 466 | 0,0% | ||
| Exeed | 506 | 204 | -59,7% | 1 085 | 485 | -55,3% |
| Tank | 204 | 0,0% | 471 | 0,0% | ||
| Mitsubishi | 86 | 146 | 69,8% | 214 | 268 | 25,2% |
| Subaru | 91 | 103 | 13,2% | 279 | 438 | 57,0% |
| Jac Trucks | 46 | 87 | 89,1% | 173 | 220 | 27,2% |
| Lada | 23 | 82 | 256,5% | 121 | 366 | 202,5% |
| Zeekr | 71 | 0,0% | 218 | 0,0% | ||
| Басқалар | 630 | 669 | 6,2% | 1 539 | 1 983 | 28,8% |
| Жалпы нәтиже | 13 683 | 15 928 | 16,4% | 37 248 | 39 468 | 6,0% |
Анықтама:
«Қазақстанның Автокөлік Одағы» (ҚАО) – «Казахстанский Автомобильный Союз» заңды тұлғалар бірлестігі – 2023 жылдың 21 шілдесінде Астанада құрылған коммерциялық емес құрылым.
ҚАО құрамына Қазақстанның автоөндірушілер қауымдастығы; Қазақстанның автокомпонент өндірушілері қауымдастығы; Қазақстанның дилерлер қауымдастығы; Қазақстанның жүрген автомобильдерді сату бойынша қауымдастығы; Қазақстанның автосарапшылар және аудиторлар қауымдастығы (автомобильжасау өнімдерінің сәйкестігін бағалау) кірді.
«Қазақстанның Автокөлік Одағы» баспасөз қызметі
E-mail: press@kao.kz
+7 701 770 0257 Дина Букенбаева